Tez-tez verilən suallar

Motosiklet sürmək üçün vəsiqə lazımdırmı?

Meydança qapalı ərazidir, ona görə “Start” proqramında vəsiqə tələb olunmur. Şəhərdə sürmək üçün isə A kateqoriyalı sürücülük vəsiqəsi qanunla tələb olunur.

Öz motosikletimlə gəlməliyəm?

Yeni başlayanlar akademiyanın motosikletində öyrənir. Təcrübəli sürücülərə öz motosikletləri ilə gəlməyi tövsiyə edirik — çünki gündəlik sürdüyün motosikleti öyrənmək ən faydalısıdır.

Hansı ekipirovka lazımdır?

Minimum: dəbilqə, əlcək, qoruyucu gödəkçə, uzun şalvar və topuğu örtən ayaqqabı. Ekipirovkan yoxdursa, ilk dərslər üçün akademiya təmin edə bilər — yazılarkən qeyd et.

Qadınlar da öyrənə bilərmi?

Əlbəttə! Tələbələrimizin arasında motosikleti sıfırdan öyrənən çoxlu qadın var. Proqram hər kəsin fiziki imkanlarına uyğunlaşdırılır.

Neçə dərs lazım olacaq?

Bu, başlanğıc səviyyəndən və məqsədindən asılıdır. İlk dərsdə səviyyəni qiymətləndirir və sənə fərdi plan təklif edirik.

Təlimlər harada keçirilir?

Bakıda, Salyan şossesi üzərindəki Velopark meydançasında. Dəqiq yer üçün “Əlaqə” səhifəsindəki xəritəyə baxın.

Pis havada dərs olur?

Təhlükəsizlik birinci: güclü yağış və ya külək olduqda dərs başqa günə keçirilir və sənə əvvəlcədən xəbər veririk.

Uşaqlar və yeniyetmələr qatıla bilər?

Yaş həddi və şərtlər üçün bizimlə əlaqə saxlayın — fərdi qaydada müzakirə edirik, valideyn razılığı tələb olunur.